صوتك المليان دفا وحنيّة

من طرف **رحاب الشام** الجمعة يوليو 08, 2016 6:42 pm

ياصوتك
المليان دفا وحنيّة
وهو عَ صدر الليل متكييّ
ع كتاف غنية
تعلا موال
ع آخر بواب سماوية
متل الصلا
صار غافي فيّي
بـ لحظة سرقت القلب
وضج فيك النبض
حروف مش عادية
وصيحة آه
تردد حلاك
وتغمرك بـ رموش عينيي
وغيمّة عشق
تروح وتجي
بـ زَخة مطر
تنزل عليّي
يطّلع نبع صافي
وكومة حبق
ع أرض جردية
خلت الجنون يفيق
وبرجع من جديد
يفتح مشاوير منسية
وتقلي تعي
نرتاح بـ الفيّي
وحياتك
مشتاق شوفك
وأطلع ع صدرك
ارقص مع النهدات
قلك آه ياولفي لوكان فيي

* * * *
صوتَك عزف ناي
من البحر جايي
يحمل غناني زهر
ترشرش حواليها عطر
واو شو عمل فيي
حبيبي ع مهلك
شوي شوي
لا تخلي جنوني يفيق
ت يوّلع نار فيك وفيني
خطييّ

لمسة ,,,,,
صوتك دنى بـ قلب الدنى
رقرقة ميّي
متل العسل من خابة متكية
ذاب فيّي
مني إلك همسة شعر
بـ حروف جنون نارية
وخيال جنيّة
تقلك بحبك
ع قد ع قد ما فيّي
ومعها بوسة دمشقية

8/7/ 2016
بـ اللهجة العامية

لاسامح الله من ينقل من همسي حرف او يسجله بـ اسمه