زعلات الدمشقية

بعـد طول الغيـاب
خربشة صغيـرة
سمعتها على البـاب
تلاهـا صمـت
والدنيا كانت ضبـاب
والمطر عم يطـرش على الشباك
وبعـد شويـة
رجعـت الخربشة
على هـاك البـاب
وأنا نايمـة عَ سرير النسيان
فقت وعلى حالي خايفـة
مايكون شـي حرامـي
بـ العتمـة جايه
يسـرق حكاياتـي
ويلملم جنـون وراقـي
وياخد أفكـاري الجاهـزة
كتـرت الخربشـة
وصوت الريح يعلا معها مرجلـة
لاوالله هيدي حقيقـة
مَا هيَ هلوسة
معقول يكون شي سكران
أو هل البيت الجن فيه سكان
ومَني عارفـة
صرخـت مينو أنـت
أنا اللي بعدني لـ تفتحي ناطرك
هيدا إنت ياجهلان
جايه وعم تخربش عَ الحيطان
روح ماضل إلك عندي حَكي تحكيـه
وحبك كله ماعدت شايفة
لاتتهرَبـي
قـولـي
خايفـة مني
احكـي
لا تستحي
لآ مـا رَح قـول
وإني خاف أبداً مو من عادتي
لكن مابدي ارجع حبك مرة تانية
والوجع بعده ساكن بـ داخلي
خَيبت ظنوني فيك
وقت شفتك مع النسوان غفيان
ولـ حبي نسيان
رح عد على أصابعي لـ العشرة وإلا
ولو عديتي لـ المليون
رح ضل واقف هون على بابك سهران
قلتلك بدي عيش من دونـك
ولو كنت مشتاقة إلك وعطشانة وهايمة

يعنـي ماتريـدنـي
ولــو
بعرفــك بتموتـي فيي ياكاذبــة
وقلبك حنيّة مليان
ونيتك صافية
وحياة الي جمعنا صدفـة
أنا بعدك مالي مرتـاح
وعيني ما شافت النوم ثانية
افتحي يله ولاتخجلي
وخديني كلي ع َبعضـي
وضميني يين صدرك وحضنك
وحطيني حـرف بـ كتـابِك متل زمان
حاجتك عَلياَّ قاسيـة
حولي عم تعوي الذئاب الشاردة
وهل القنديل فتيله رح ينطفي
والليلـة كتير عاصفـة
معـي حطـب
اذا بدك تشَعليه نـار حاميـة
شفت بـ النهـر في تمساح
ومعه تنين جوعان يمكن يجي يغافلـك
حاجة يامجنون
تصرخ وتخربش زيادة
رح تفيق الجيران اللي نايمـة
قلتلك ماعم ارجف ولالي ملبكة
ولا وجهي دبلان من البكي ولاخايفة
بس المفتاح تحت البـاب
خده وافتاح
وحاجتك واقـف بـ البـرد وأنــا دافيـة

حــرف
شوفي الدنى محلا الدنى
صارت حقول ياسمين وسوسنة
وغيمة مطر هطلت حروف غنية
فار النبع أريج وفاح عطور ليلكية
ويامحلاهــا
لما ترضى عني رحاب الدمشقية
وتترك زعلاتــا
ودلعها وحركاتا الشيطانية
وتبعد عن تصرفاتا الولدنية

10 / 4 / 2013
/ بـ اللهجة الشامية العامة /

,,,,,,,..,,,, متل مابيقولو
مجنونة وحبت مجنون هيك بيصير
بيرجعوا بيعشقو بعض اكتر كل ماتشاجروا

لاسامح الله ابدا من ينقل من همسي حرف
ويسجله بـ اسمه دون ذكر المصدر آمين